Salorong di badan diri ambo

 Salorong di badan diri ambo, buliah juo disabuik urang tigo jaman. Jaman surek mayurek alah dicubo, wartel jo talipon umum lai badapek, maso bakirim SMS alah dirasai.   

Jiko sanak batanyo tantang umua, bara kolah tahun nan tapakai, iyo lah rumik ambo ka manjawek. Tapi sakadar pidoman bara kolah umua ambo kini: wakatu lagu Hati yang Luka Betharia Sonatha mulai diputa di radio, taun itu ambo partamo mimpi basah, umua akil balig. Co takok, kikiro lah bara angkonyo kini tu?

Satantang kodak ko, di tahun sambilan puluah tu ambo alah kelas duo SMA. sunguik lai barang sado saketek, jangguik mencogok pulo walau ndak rapek. Rambuik masih bakisa, kulik masih tacelak. Badan sihaik, salero makan sadang amuah pulo. 

Maso itu. Kini? lah banyak nan tak tasuo. Rono indak nan cando dulu lai. Badan lah mulai banyak ulah. Batuak jo kuhua tiok sacah. Dibujuak jo ubek tak nyo ajan. Jiko batanyo galanggang, tapaso dijawek jo manas sajo.

Tu kamanga awak? Iyo sukur jo rila sajo dipataba. 

Share

Oce E Satria

https://maricekharga.blogspot.com/

ini deskripsiku mana deskripsimu